Sala og sýnileiki í ferðaþjónustu - fræðslufundir í heimabyggð (1200 x 400 px) (3)

Dagana 4.–8. maí munu ferðatæknifyrirtækin Godo og Keeps taka höndum saman og standa fyrir fræðsluviðburðum víðs vegar um landið fyrir aðila í ferðaþjónustu.

Þema viðburðanna er sala og sýnileiki, með áherslu á einfaldar og hagnýtar leiðir til að ná betri árangri.

Á fundunum munum við meðal annars fara yfir:

  • hvernig hægt er að auka beinar bókanir
  • hvernig þú getur styrkt sýnileika þinn og náð til fleiri viðskiptavina
  • hvað er að skila árangri í dag hjá fyrirtækjum í greininni

Fundirnir eru sérstaklega ætlaðir eigendum og rekstraraðilum í ferðaþjónustu sem vilja fá hugmyndir, ráð og innsýn sem nýtast í daglegum rekstri.

Hver fundur er um 1,5 klukkustundir:

  • 30–40 mínútur af erindum
  • opnar umræður, spurningar og tengslamyndun í lokin

Markmiðið er einfalt: að þú farir heim með að minnsta kosti eina hugmynd sem þú getur nýtt strax.

Fundirnir eru ókeypis og opnir öllum áhugasömum í ferðaþjónustu.
Skráning nauðsynleg

Fróðleg erindi frá reynsluboltum í ferðaþjónustu

Sverrir

Byggjum rekstur á góðum tekjum

Sverrir Steinn Sverrisson -Framkvæmdastjóri viðskiptaþróunar hjá GODO

Hvaðan bókanirnar þínar koma og hvernig þú vinnur með þær hefur bein áhrif á framlegð, stjórn og fjárhagslega sjálfbærni til lengri tíma.

Í erindinu fjallar Sverrir um hvernig hægt er að byggja upp heilbrigðari tekjuvöxt: jafnvægið milli beinna bókana, bókana frá sölusíðum (OTA) og B2B-bókana, og hvernig bókunarvélin þín getur stutt við aukna beina sölu.

Um Sverri:

Sverrir er annar stofnenda og framkvæmdastjóri viðskiptaþróunar hjá GODO. Sverrir er með yfir 15 ára reynslu af tækni í ferðaþjónustu. Hann hefur rekið hótel og ferðaþjónustufyrirtæki og hefur því beinan skilning á þeim áskorunum sem fyrirtæki í ferðaþjónustu standa frammi fyrir daglega, þar á meðal sölu, dreifingu, væntingum viðskiptavina og breytingum á markaði.

Sýnileiki sem selur

Guðrún Hildur Ragnarsdóttir - Framkvæmdastjóri Keeps

Áður en ferðamenn bóka hjá þér skoða þeir sölusíður, samfélagsmiðla og vefsíðu - bæði hjá þér og samkeppnisaðilum. Þú hefur fáeinar sekúndur til að vinna þá á þitt band og þar ræður efnið þitt úrslitum.

Í erindinu fjallar Guðrún um hvernig þú tryggir að ferðamenn velji þig fram yfir samkeppnina, með því að sýna rétta efnið á réttum stöðum og hvernig þú getur fengið  hvern miðil til að vinna betur fyrir fyrirtækið þitt.

Um Guðrúnu:

Guðrún er stofnandi og framkvæmdastjóri Keeps. Guðrún er með víðtæka reynslu í ferðaþjónustu en áður en hún stofnaði Keeps vann hún hjá Hertz bílaleigu, Expedia og Guide to Iceland. 

Untitled design (92)

Dagskrá og viðkomustaðir

📍 Hella – 4. maí

10:00 – 11:30 · Stracta Hótel

📍 Vík – 4. maí

13:00 – 14:30 · Hótel Katla

📍 Höfn – 5. maí

10:00 – 11:30 · Heppa Restaurant

📍 Egilsstaðir – 5. maí

14:30 – 16:00 · Gisthúsið Egilsstöðum

 

📍 Mývatnssveit – 6. maí

10:00 – 11:30 á Sel-Hótel Mývatn

📍 Akureyri – 6. maí

13:30 – 15:00 · Elding Hvalaskoðun

📍 Búðardalur – 7. maí

10:00 – 11:30 · Dalahótel

📍 Ísafjörður – 8. maí

10:00 – 11:30 · Dokkan Brewery

Sala og sýnileiki í ferðaþjónustu - fræðslufundir í heimabyggð (1920 x 1080 px)

Skráning